Contoh Pawarta Basa Jawa

PAWARTA

TRADISI ADUS DHAWET

Kamis, 23 Oktober 2014

          Demak, www.jogjatv.com . atusias warga Desa Mijen,Kecamatan Mijen, Kabupaten Demak,Jawa Tengah, ngresteni lampah adat adus dhawet dhateng pasareyan peunden desa Mbah Cendana Sari.

 Ancasipun kangge dedonga supados tumuli jawah. Saben mangsa ketiga warga Desa Mijen,Demak,Jawa Tengah, nindakaken upacara adat adus dhawet dhateng pasareyan peunden desa Mbah Cendana Sari ing satengahing sabin. Lampah adat ingkang dipuntindaaken kanthi turun temurun punika, mengku ancas kangge dedonga supados ing wewengkonipun tumuli jawah, satemah saget tumuli nggarap sabin malih. Kanthi dipun pandhegani dening modin warga dedanga sesarengan. Sesampunipun dedonga, warga dipun dumi dhawet kangge adus. Modin ingkag klebus dhawet nuli siram dhateng sumur sesepuh satengahing sabin ingkang dipun anggep wingit, jalaran toyanipun boten nate asat.

www.jogja.tv/berita/23/10/2014/tradisi-adus -dhawet

UNSUR UNSUR

PAWARTA

1. What (apa) : Babagan apa kang ana ing pawarta iku.

   Tradisi adus dhawet

2. Where (nang ngendi) : panggonan kadadeyan prastawa ing pawarta iku.

    Desa Mijen,Kecamatan Mijen, Kabupaten Demak,Jawa Tengah

3.   When (kapan) : wektune prastawa ing pawarta iku kedadeyan.

    Kamis 23 oktober 2014 utawa saben mangsa ketiga

4. Who (sapa) : babagan sapa utawa tokoh kang ana ing pawarta.

     Warga Desa Mijen,Kecamatan Mijen, Kabupaten Demak,Jawa Tengah

5. Why (lha ngapa) : nuduhake sebab musabab kenapa prastawa iku kedadean.

     Ancasipun kangge dedonga supados tumuli jawah

6. How (kepriye) : kepriye prastawa iku bisa kedadeyan, bisa uga nuduhake kepiye swasana ing prastawa iku.

warga Desa Mijen,Kecamatan Mijen, Kabupaten Demak,Jawa Tengah,  ngresteni lampah adat adus dhawet dhateng pasareyan peunden desa Mbah Cendana Sari.Ancasipun kangge dedonga supados tumuli jawah.